إزاي تختار الديجيتال ماركتنج إيجنسي الصح

رغم أن الكتاب تقني وفيه تفاصيل كثيرة متخصصة جدًا، إلا أني مقدرتش أسيبه من أول ما بدأته وخلصته في ساعتين لأنه لمس مشكلة أعتقد مشتركة بيني وبين الكثير من القراء!أصحاب المشاريع شايفين شركات التسويق كذابين وحرامية وفي أحسن الأحوال بياعين كلام، وشركات التسويق شايفينهم مستعجلين، متسرعين، ومش فاهمين…مصطفى دخل في قلب المعركة المستطيرة دي بأسلوب قصصي رائع، وكوميدي خفيف على القلب، عشان يقدملنا الخلاصة في ٩ فصول جايبة الحكاية من أولها.الكتاب يعبر عن خبرة عميقة بالتسويق وبالسوق، ومفيد لكل أصحاب المشاريع والايجنسيز على حد سواء، وكمان فيه معلومات لطيفة عن رسم خريطة المشروع، تقييم وضعك الحالي كبزنس، أدوات ومواقع مهمة لازم تعرفها وتستخدمها يوميًا، وخبرة بتطرق لأول مرة في المحتوى العربي وإضافة حقيقية في هذا المضمار.

حذيفة الخولي

مدير المحتوى بأكاديمية الإعلام الجديد ورئيس القسم الخليجي سابقًا في Icon Creations

الكتاب بجد تحفة، أسلوبك ممتع ومش ممل أول مرة أقرء كتاب ويكون سلس وأسلوبه بسيط عجبني تلخيص الموضوع بشكل موجه لاصحاب المشاريع عشان يلاقوا وقت يقرءوا ويفهموا فيه الموضوعوحقيقي الي لفت نظري ان فيه مصداقية، مش مجرد كلام بيتزين او بتحاول تماركت لأي شخص، الدليل دا شايف انه مهم جداً وحقيقي لو عرضته في اي مكان هيتباع بسعر كويس جداً لأنه حقيقي يستاهل.

خالد الشحات

مسوّق محتوى | مدرب أدوات الذكاء الاصطناعي | مؤثر على لينكدإن

الكتاب خفيف وسهل، تحس إن اللي كاتبه قاعد معاك على قهوة وبيقولك الكلام بطريقته العفوية، من غير تنظير ولا لف ودوران. بيحذرك من الحاجات اللي ممكن تقع فيها بطريقة لذيذة كده، تحس إنه بيتكلم بجد بس برضه مش تقيل على القلب.التصميم هادي ومريح، والأصفر اللي متستخدم في الصفحات حلو أوي، مدي vibe كده يخليك مستمتع وانت بتقرأ.لو ناوي تتعامل مع ايجينسي ومش عاوز حد يضحك عليك، لازم تقرأ الكتاب ده، هيوفر عليك وجع دماغ كتير!

كيرولوس

مدير مشاريع لعدة شركات | تطوير الشركات الناشئة | التسويق المتكامل | تطوير العمليات

الكتاب حقيقي بمثابة كورس مصغر حول ازاي كصاحب مشروع انك تختار الإيجنسي اللي تتعامل معاها، أنصح كل اللي هيقرأ. يطلع عليه أكتر من مرة ده لازم علشان تقدر تستفيد بالمعلومات اللي فيه والعملية دي هتاخد منك من 10 لـ 15 يوم. أبدعت والكتاب خطير يا مُصطفى.

أحمد العبد

كاتب إعلانات، صانع محتوى، وأخصائي تسويق رقمي، مدير مشاريع رقمية

وانا بقرأ الكتاب حسيت قد ايه هو مهم وصادق، كأنك جمعت كل اللي عيشته و شوفته و قدمته للبيزنس اونرز على طبق من دهب والله. مش مجرد كلام عن التسويق، ده خريطة طريق حرفيًا لأي حد عاوز يختار ماركيتينج ايجينسي من غير ما يحرق فلوسه على الفاضي، وأسلوبك كالعادة بسيط و مباشر و واقعي، لدرجة تخلي اي حد يقتنع إنه محتاج يعيد حساباته كويس اوي قبل ما ياخد الخطوة دي، عجبني اوي كمان فكرة انك مش بس بتعرض المشاكل، لكن كمان قدمت الحلول بأمانة الكتاب فعلًا بيقدم خبرة عملية مكثفه جدًا باسلوب مميز، كنز لاي حد بيخطط يبدأ تسويق لشركته أو بيدير بيزنس وعاوز يحط فلوسه في المكان الصح.. برافو يا مصطفى والله 👏🏻❤️

آلاء الجلوان

ميديا باير لعدة شركات ومؤسسات إقليمية ومحلية

حقيقي بجد تحفة أووي ومعتقدش اني شوفت أي كتاب بيتكلم في الجانب دا قبل كدا، فا انا شخصيًا أصلا فهمت الـ process اللي بتحصل وده هيخليني انا شخصيًا أعرف أختار شركة اشتغل فيها بعد كدة مش مجرد business owner prespective.وبعيدًا اني حقيقي استفدت من الكتاب، القلشات تحفة لو هتعمل أي كتب تانية لازم تبقى بنفس الستايل بجد خطير.

عهد هيثم

كاتبة محتوى

الكتاب حلو أوي يا مصطفى عجبني جداً لدرجة خلصتوا في مرة واحده على قد ما هو مكتوب بخفة وطريقة تشد وتبسيط لكل معلومة بتقولها مهما كانت تقيلةوعجبني أوي ازاي كل point أو نصيحة بتقولها بتدي معاها ال tools اللي تساعد في تنفيذها. لا وكمان Screenshots بالتولز والنتايج ومفيش تفصيلة إنت نسيتهافا حقيقي الكتاب قيّم وهيفرق مع أي business owner هيقرأه ويوفر عليه فلوس وخد وهات ومناهدة كتير 👏👏

أمل محمد

مديرة قسم كتابة المحتوى

بعد ما قريت الكتاب، افتكرت شركات النصب وتحت بير السلم اللي اتعاقدت معاها، وحصل معايا بالحرف قصة باقات النصب وخدعة الـ SEO وإحنا في مرحلة الـ awareness متستناش أرباح. ندمان إني مقرأتوش من زمان!

دكتور محمد حسن

شريك مؤس في مؤسسة بوشيدن

أخيرًا كتاب بيتكلم بوضوح عن أكبر مشكلة بتواجه أي حد عاوز يسوّق لشغله! الأسلوب بسيط ومباشر، مليان أمثلة حقيقية ونصائح عملية تقدر تطبقها فورًا. أنصح أي صاحب بيزنس يقرأه قبل ما يتورط مع أي شركة تسويق!

هشام أحمد

ؤائد أعمال

مش بس بيشرح الأخطاء الشائعة، لكنه كمان بيدي حلول حقيقية وعملية. أسلوب بسيط وسهل التطبيق، وأكيد هيبقى مرجع لأي شخص داخل عالم الماركتنج

محمد جمال

مدرب تسويق إلكتروني

كنت فاكر إن شركات التسويق كلها زي بعضها، بس بعد قراءة الكتاب فهمت إن اختيار الشريك الصح هو اللي بيفرق بين النجاح والفشل. أنصح أي حد بيبدأ مشروع جديد إنه يقرأ الكتاب قبل ما يضيع فلوسه!

مهندس أحمد مرشدي

مؤسس متجر إلكتروني