كيف تكتب محتوى تسويقي فعّال يخاطب جمهورك ويحقق نتائج؟

مش كل اللي بيكتب محتوى… بيبني تأثير.

في ناس بتكتب علشان تملي مساحة، تنزّل بوست، تكمّل خطة.
بس فيه نوع تاني – وده اللي أنا بشتغل عليه – بيكتب علشان يوصّل، يحرّك، ويوجّه.

أنا مش بكتب علشان أكون موجود…
أنا بكتب علشان أخلي اللي بيقرأ يحس إن الكلام مكتوب له هو، وإن الرسالة واصلة على مقاسه هو.

سواء كنت صاحب مشروع، خبير، أو حتى براند بيحاول يلاقي صوته،
مهمتي مش إنّي “أكتبلك”،
مهمتي إني أترجم هدفك، جمهورك، ومشكلتك… لسطر أو بوست أو صفحة تقنع قبل ما تبيع.

🟢 الفرق بين “كاتب محتوى” و”صانع رسالة”

فيه فرق كبير بين اللي بيكتب بوست وبين اللي بيصمّم رسالة.

كاتب المحتوى ممكن يكتب بسرعة، يختار كلمات حلوة، ويظبط الترجمة أو الصياغة… بس أحيانًا بيكتب كلام “يُقرأ” وما “يتفهمش”، أو “يتشاف” وما “يتحسّش”.

أما صانع الرسالة، فهو بيبدأ من “ليه بنكتب؟” مش “إزاي نكتب؟”
ما بيقيسش نجاح المحتوى بعدد الكلمات، بل بعدد المشاعر اللي حرّكها، أو القرارات اللي اتاخدت بسببه.

صانع الرسالة:

• بيفكر في العميل قبل ما يكتب للبراند.

• بيعيد صياغة صوتك بحيث يبقى مسموع بوضوح وسط الزحمة.

• بيستخدم الـ CTA مش كختام، لكن كفرصة تحوّل القارئ لمهتم… والمهتم لعميل.

وده بالظبط اللي أنا بشتغله.

أنا مش بكتب علشان “المحتوى يكون موجود”،
أنا بكتب علشان “الهدف يوصل”.

🟣 أنواع المحتوى اللي بشتغل عليه… وليه؟

مفيش نوع محتوى بيشتغل لوحده.
كل قطعة محتوى لازم تبقى ترس في ماكينة أكبر اسمها “الاستراتيجية”.

عشان كده، ما بشتغلش على كل أنواع المحتوى…
بشتغل على الأنواع اللي بتغيّر، تشرح، وتقنع — الأنواع اللي بتساعد العميل ياخد خطوة لقدّام.

👇 دي أبرز الأنواع اللي بشتغل عليها، وسبب اختياري لكل نوع:

✅ سكريبتات Reels قصيرة (مبنية على الزحمة والسياق)

ليه؟
علشان ده المكان اللي الناس بتركّز فيه… واللي بياخد منك 6 ثواني ممكن يخليك في دماغه أسبوع.

✅ مقالات SEO تعليمية (مش عشوائية)

ليه؟
لأن المحتوى اللي بيتأرشف بذكاء هو اللي بيكمّل شغلك وإنت نايم… بشرط إنك تكتب للجمهور مش لروبوت جوجل.

✅ صفحات خدمات وسيلز بيجز

ليه؟
دي اللحظة اللي بيتحوّل فيها الفضول لقرار. فلازم كل كلمة تكون محسوبة، وكل عنوان يفتح باب للثقة.

✅ سلاسل إيميلات أوتوميشن (زي الترحيب، ما بعد الشراء، ولاء العملاء)

ليه؟
لأن العميل مش بياخد القرار من أول مرة… بس ممكن ياخده من الإيميل التاني أو التالت — لو اتكتب صح.

✅ محتوى صفحات من نحن وملف الشركات

ليه؟
الناس مش بتشتري منتج بس… بتشتري قصة، رؤية، وسبب يخليها تقول “أنا مع الناس دي”.

شغلي بيبدأ منين… وبينتهي فين؟

أنا مش كاتب محتوى بس…
أنا دايمًا بسأل:
“المحتوى ده هيوصل لمين؟ إمتى؟ وإزاي هيأثر عليه؟”

علشان كده شغلي بيمشي في 4 مراحل أساسية، سواء في مشروع صغير أو حملة كبيرة:

🧠 1. الفهم والتحليل

• بنبدأ بجلسة قصيرة أو فورم بسيط أعرف فيه الـ background.

• بدرس البراند، الجمهور، المنافسين، ونبرة الصوت اللي تناسبك.

• لو مفيش حاجة واضحة؟ بنكتشفها سوا.

🧩 2. رسم الاستراتيجية

• بنحدد نوع المحتوى اللي يخدم أهدافك.

• بنختار القنوات المناسبة (موقع – سوشيال – إيميلات).

• وبنرسم جدول زمني مريح، بس ماشي على هدف واضح.

✍️ 3. الكتابة والتحسين

• أكتب المسودات، أراجعها، أظبط النبرة والسياق.

• أراعي الـ SEO والـ CTA والـ hooks من أول سطر لآخر سطر.

• باعتمد على أدوات تحليل وتجربة عشان المحتوى يكون واقعي وفعّال.

🔄 4. التعديل والتسليم

• تبعتلي ملاحظاتك… نناقشها ونعدّل لو فيه حاجات محتاجة تتغير.

• أجهزلك الملفات بالشكل اللي يناسب فريقك أو منصتك.

• ودايمًا هتلاقي في المحتوى بتاعي جزء سهل إعادة الاستخدام أو إعادة التوجيه.

✅ ليه بتشتغل معايا؟

فيه 3 حاجات أغلب الناس اللي اشتغلت معايا بيلاحظوها:

1. مش بس بكتب… بفكّر

أنا مش مجرد صانع محتوى، أنا جزء من الاستراتيجية.
قبل ما أكتب كلمة، بسأل:
“الكلمة دي هتفيد مين؟ وهتعمل إيه في البزنس؟”

2. فاهم في السوشيال، الإعلانات، والسيو

اشتغلت على مقالات، إعلانات، صفحات هبوط، سكريبتات ريلز، سلاسل إيميلات، وأحيانًا حتى الحملات كاملة.
فأنا شايف الصورة الكبيرة مش مجرد قطعة محتوى.

3. بنشتغل سوا كأننا فريق واحد

أنا شخص عملي وبحب أشتغل بشفافية.
العميل عندي شريك مش بس متلقي.
أي ملاحظة بتهمني، وأي اقتراح هيوصلني للنتيجة أسرع… بحترمه.

اشتغلت مع مين؟

على مدار السنين اللي فاتت، كان ليا شرف إني أشتغل مع براندات من كل الصناعات تقريبًا، من أول التجارة الإلكترونية والتعليم، لحد التسويق الرقمي، والاستشارات الحكومية، والتقنية.

📦 في مجال الـ E-commerce، اشتغلت مع براندات زي:
PompeLo – Vivo Plus – ricrac – EshteryEx – MIDI – الريادة ستور – Banu Lifestyle – بيوتيكا.

📈 في مجال الوكالات التسويقية، اشتغلت مع فرق مميزة داخل:
SEO Rockets – Foray Digital – Welkin – Hi Agency – Rain Digital Solutions.

🏢 وفي مجال تأسيس الشركات، كنت جزء من المحتوى والاستراتيجية لـ Freezoner.

📚 وفي قطاع التعليم والتطوير، اشتغلت مع منصات زي:
Vocacy – Interact Labs – Coretalents على مشاريع محتوى وتدريب.

🔐 حتى في مجالات حساسة زي Cybersecurity وStartup Accelerators، شاركت في مشاريع مع:
Cypherleak – Flat6Labs – Trusted Partners.

🇸🇦 أما على مستوى الجهات الحكومية السعودية، فكان ليا تجارب مع جهات زي:
هيئة المتاحف – وزارة الاستثمار – وزارة الإسكان – هيئة الطهي – هيئة الحكومة الرقمية – NOWAAR.

كل براند من دول كان وراه تحدي مختلف، واستفدت من كل تجربة في إني أطور طريقتي، أفهم السوق أكتر، وأقدم نتايج مش بس ترضي العميل… لكن تخلّي اسمه يتشاف أكتر، ويتحب أسرع.

الكتابة التسويقية الفعّالة لا تُقاس بعدد الكلمات، بل بتأثيرها على وعي جمهورك وسلوكه. وحين تتبنى هذا التوجه، لا يعود المحتوى مجرد وسيلة للنشر، بل يصبح محركًا للنمو، وجسرًا بينك وبين عملائك المحتملين.

رغب في تحويل محتواك إلى أداة لجذب العملاء الفعليين؟
📩 تواصل معنا الآن أو اعرف أكثر عن خدمات تحسين محركات البحث التي نقدمها للمشاريع الطموحة مثلك.